Пайдалуу маалымат

Умра, же кичи ажылык – белгиленген тартипте Меккеге зыярат кылуу дегенди билдирет. Араб тилинен «Умра» деген сөз «баруу, визит, зыярат» деп которулат.

Кээ бир аалымдар, анын ичинде имам аш-Шафии, ошондой эле Имам Ахмад ибн Ханбал Ыйык Курандагы сөздөрүнө таянуу менен умрага баруу милдеттүү аракет (ажы сыяктуу) деп эсептешкен.

(Алла үчүн ажыга жана умрага баргыла) («аль-Бакара» 2/196) жана төмөнкү хадисте: Айша энебиз күндөрдүн биринде Мухаммед пайгамбардан: «Оо, Алланын Элчиси, жихад аялдарга милдеттендирилгенби?» деп сурады. Ошондо ал (салляллаху алейхи ва саллям): «Алардын жихады ажылык жана умра», - деп жооп берди.

Имам Абу Ханифа жана Малик ибн Анас сыяктуу теологдордун дагы бир тобу умра сүннөт (каалаган иш-аракет) деп эсептешкен. Анткени Пайгамбар (салляллаху алейхи ва саллям) Исламдын беш түркүгүнүн ичинде умра жөнүндө айткан эмес. Ошондой эле Жабир айткан хадисте: "Аллахтын Элчисине бедуин келип:" Оо пайгамбар, мага кичи ажылык жөнүндө кабарлачы, бул милдеттүүбү?" дегенге, мындай жооп болгон:"Жок, бирок сен жазаган ажылык сен үчүн жакшы нерсе" деп айтылат.

Рамазан айында Умрага баруу өзгөчө баалуу. Имам Бухари берген Хадисте:"Рамазан айында Умрага баруу Ажылыкка барабар", - деп айтылат. Имам Муслимден дагы бир хадисте:"Рамазан айында Умрага баруу мени менен барган ажылыкка теңелет (б.а. Аллахтын Элчиси менен)", - деп айтылат. Ошондой эле ажыга баруучунун ажылык сапарда да, умрада да ажыга кеткен чыгымдын жана зекеттин сообу миң эсе көбөйөрү белгилүү. (Перевод картинки: Одежда паломник – Зыяратчынын кийими, Рида – рида, Изар – изар, тапочки – такасыз жеңил бут кийим)

Умра жасоонун тартиби

Эркек бардык кийимдерин чечип, ихрам деп аталган ак материалдын эки бөлүгүн кийиши керек. Ошондой эле, ал тапочка (такасыз жеңил бут кийим) кийиши керек. Аялдар үчүн жана ихрам катары шариатка дал келген кадимки кийим эсептелет. Ихрамды даарат алгандан кийин кийиш керек.

Ниет кылуу Меккеге кургактык транспорту менен бараткан зыяратчылар ихрамды кийишет жана микатада ниет кылышат. (Микаттын жайгашкан жерин топтун лидери билдириши керек).

Меккеге аба транспорту менен бара жаткан зыяратчылар микаттын үстүнөн умра үчүн ниет кылышат. Микат жайгашкан жерге 15 мүнөт калганда жана микат чекити менен кесилишкенде пилот зыяратчыларга бул тууралуу кабарлайт, жана зарыл болсо, анын жарыясын топтун жетекчилери орус тилине которушат. Жүрөктө ниет кылуу жетиштүү, бирок сөз менен айтканда жакшы:

اللهم لبيك عمرة «Аллахумма ляббейка умратан» Умрага барууну ниет кылгандан кийин ажылык сапары учурунда тальбияны эркектер катуу сүйлөп, аялдар ичинен сүйлөшөт: لَبَّيْكَ اللّهُمَّ لَبَّيْكَ، لَبَّيْكَ لا شَرِيكَ لَكَ لَبَّيْكَ، إِنّ الحَمْدَ وَ النِّعْمَةَ لَكَ وَ الملكَ، لا شَرِيكَ لَكَ Ляббайка-Ллахумма, ляббайк. Ляббайка ля шарика ляка, ляббайк! Инна-ль-хамда ван-ни ’амата ляка ва-ль-мульк, ля шарика ляк! (Мына, Мен Сенин алдыңда турам, Оо Аллах! Мына мен Сенин алдыңда турам! Мына мен Сенин алдыңда турам! Сенде жолдош жок! Сага мактоо, ырайым жана бийлик сеники! Сенде жолдош жок!) Меккеге келгенден кийин, жайгашып жана кыска мөөнөттүү эс алгандан кийин, зыяратчы умра жасоо үчүн Каабадагы Аль-Харам мечитине барышы керек. Алгач таваф жасашат (Каабанын айланасында жети жолу айланып өтүү).

Йемен Бурча жана Кара Таш

Эгер зыяратчы канча жолу айланганына күмөн санаса, мисалы, ал үч же төрт жолу айландыбы, анда ал үчтөн, башкача айтканда, ал ишенген сандан эсептей берет. Таваф аяктагандан кийин, зыяратчы мүмкүн болушунча "Макам Ибрахим" жайгашкан жердин артында эки рекет намаз окуйт, бирок бул башка зыяратчылардын тавафты жасашына тоскоол болсо, мечиттин каалаган жеринде намаз окууга болот. Бул намаз учурунда эки ийинди тең ихрам менен жабуу зарыл. Сүннөт боюнча, биринчи ракатта "аль-Кафирун" сүрөсү, экинчисинде "аль – Ихлас"сүрөсү окулат. Андан кийин зыяратчы жолдо Замзам суусун ичип, ас - Сафа тоосун көздөй жөнөйт.

ас-Сафа тоосунда төмөнкү аятты окуш керек: إِنَّ الصَّفَا وَ الْمَرْوَةَ مِنْ شَعَائِرِ اللهِ فَمَنْ حَجَّ الْبَيْتَ أَوِ اعْتَمَرَ فَلاَ جُنَاحَ عَلَيْهِ أَن يَطَّوَّفَ بِهِمَا (Чындыгында, ас-Сафа жана аль-Марва Аллахтын белгилеринин бири. Үйгө же Умрага ажылык кылган адамга аларды айланып өтүүгө уруксат берилет. Ким жакшылыкты өз каалоосу менен тандаса (билсин), Аллах сиңирген эмгегине жараша берүүчү жана билүүчү). ("Алъ-Бакара" Сүрөсү. 158-аят). Жана, Каабаны карап, дуа кылуу керек: لاَ إِلَهَ إِلاَّ الله وَحْدَهُ لاَ شَرِيكَ لَهُ، لَهُ الْمُلْكُ وَ لَهُ الْحَمْدُ وَ هُوَ عَلَى كُلِّ شَيْءٍ قَدِيرٌ، لاَ إِلَهَ إِلاَّ الله وَحْدَهُ، أَنْجَزَ وَعْدَهُ، وَ نَصَرَ عَبْدَهُ، وَ هَزَمَ الأَحْزَابَ وَحْدَهُ Ля иляха илля-Ллаху вахдаху ля шарика ляху, ляху-ль-мульку, ва ляху-ль-хамду ва хуа ’аля кулли шайин кадир! Ля иляха илля-Ллаху вахдаху, анджаза ва ’даху, ва насара ’абдаху ва хазама-ль-ахзаба вахдах! (Аллахтан башка кудай жок, шериги жок, өкүмдарлык ээси, Ага мактоолор, ал кудуреттүү! Убадасын аткарган, пендесине жардам берген жана жалгыз (душман) урууларды жеңген Аллахтан башка кудай жок!)

Таваф

Таваф мечиттин дубалында кара сызык жана жаркыраган жашыл белги менен белгиленген жерден башталат жана аяктайт. Таваф учурунда оң ийин ачык, сол ийин ихрам менен да жабык болгону оң.

Зыяратчы ар бир айланууда Кара Ташка оң колу менен жана башын буруп салам берип, төмөнкүлөрдү айтат: بسم الله الله أكبر «Бисмиллях, Аллаху Акбар!» Таваф учурунда Аллахка тиленүү жана дуба кылуу керек, Куран окуса болот. Йемен бурчу менен Кара таштын ортосундагы ар бир тегеректин аягында зыяратчы мындай дейт: رَبَّنَا ءَاتِنَا فِي الدُّنْيَا حَسَنَةً وَ فِي الأَخِرَةِ حَسَنَةً وَ قِنَا عَذَابَ النَّارِ Раббана! Ати-на фи-д-дунья хасанатан ва Фи-ль-ахирати хасанатан, ва кына ’азаба-н-нар! (Кудайым! Бизге ушул жана тиги дүйнөдө жакшы нерселерди бериңиз жана бизди тозоктун азабынан сактаңыз!)

Андан кийин зыяратчы Ас Сафа тоосунан аль - Марва тоосуна жана кайра артка карай кыймылын, Са’йды баштайт. Жашыл түс менен белгиленген жолдун ортосунда экектер кадамды тездетиши керек. Аль-Марвага жеткенде, зыяратчы Каабага кайрылып, ас-Сафада (жогоруда караңыз) окулган аят менен дуаны кайталайт. Андан кийин зыяратчы кайрадан ас-Сафага кайтып келип, айтылган аят менен дуаны окуйт. Ошентип, жети жолу кайталанат. Ас-Сафадан Аль-Марвага чейинки жол бир кесилиш деп эсептелет, ал эми артка кайтуу башка кесилиш деп эсептелет. Ошентип, зыяратчы ага төртүнчү жолу жетип, Аль-Марвада Са’йды бүтүрөт. Бүткүл ырым-жырым учурунда дуа кылып, зикир жана Ыйык аяттарды окуу зарыл. Ал-Марвага акыркы, жетинчи жолу жетип, зыяратчы жогорудагы дуа, аяттарды окубай туруп, ас-Сафа менен аль-Марвадан кете алат. Са ' й толук аяктады деп эсептелет жана зыяратчыга чачты кыскартуу жөрөлгөсүн жасоого болот. Эркектер чачын кыркышат же кырышат, аялдар чачтарын манжанын узундугу менен кыркса жетиштүү болот. Ушуну менен Умра аяктайт.

Умра китепчеси

Бишкек
Ош